kis-kis key dukh door karoon...............Haryanvi Ragni

Sukh Thode Dukh Ghane Jagat Mai, Bhoge Kasst Sarre Raani.
Kis-Kis key dukh door karoon, yo duniya dukhi firre raani.

Baalam baala maah mai paala, khunda faala dukhi kare.
bheet mai aala paachit mai khaala, ghar mai saala dukhi kare.
thotha naala aave tivaala, bigda taala dukhi kare.
paahn mai chaala daal mai kaala, aankh mai jaala dukhi kare.
kharch khudhala dukhi kare, jib karja dukhi kare raani !1!

kis-kis key dukh door karoon.....................................

bhartaar dukhi ho naar dukhi, ghar baar khaan dukh ki dikhe.
yaar bina dildaar dukhi, laachar, khaan dukh ki dikhe.
saahukaar bina sarkaar dukhi, jamidaar khaan dukh ki dikhe.
pyar bina parivaar dukhi, parivaar khaan dukh ki dikhe.
yo sansaar khaan dukh ki dikhe, koye janme koye marre raani !2!

kis-kis key dukh door karoon.....................................

kiddi kann bin haathi mann bin, naagan fann bin dukhiya hai.
visay bas bin indri man bin, nirdhan dhan bin dukhiya hai.
baanjh janan bin chakvi milan bin, sati sajan bin dukhiya hai
pakshi gagan bin dukhiya hai, jhat pinjre aan ghire raani !3!

kis-kis key dukh door karoon.....................................

maat kulakshani moorkh beta, foohad naari dukhi kare.
baap kai mausi bura padosi, oochi yaari dukhi kare.
bure ki sangat jua jaamni,chori jaari dukhi kare.
ped bin kheti fasal pacheti, kodi kyari dukhi kare.
gupt bimari dukhi kare, chinta chitt nai chore raani !4!

kis-kis key dukh door karoon.....................................

retli bheet jheel ki basti, gaal mai choda dukhi kare.
ebbi jhotta saand maarna, adiyal ghoda dukhi kare.
kadwal bhains oontt paadna, bail latora dukhi kare
bhojha bhari baant chaalna, jaathar thoda dukhi kare
nas par foda dukhi kare, kede futte kade bhare raani !5!

kis-kis key dukh door karoon.....................................

garib sataana julm kamana, taap mai nhana dukhi kare.
maila baana laage laana door simaana dukhi kare.
uljha taana bair purana, gaam mai thana dukhi kare
galti mai aana sakht ulhaana, jyada khaana dukhi kare.
sur bin gaan dukhi kare, nyo jagdish dare raani !6!

kis-kis key dukh door karoon.....................................